"> കുടം ബിരിയാണി റെഡിയാക്കാം… | Malayali Kitchen
HomeFood Talk കുടം ബിരിയാണി റെഡിയാക്കാം…

കുടം ബിരിയാണി റെഡിയാക്കാം…

Posted in : Food Talk, Recipes on by : Ninu Dayana

ചേരുവകകൾ;-

ചിക്കൻ പെരട്ടിയെടുക്കാൻ ആവശ്യമായത് ;-

ചിക്കൻ – 1 കിലോ

മഞ്ഞൾപ്പൊടി – 1 ടീസ്പൂൺ

മുളകു പൊടി – മൂന്നോ നാലോ ടീസ്പൂൺ

മല്ലി – 2 ടീസ്പൂൺ

ഗരം മസാല – 1 ടീസ്പൂൺ

ഉപ്പ് – പാകത്തിന്

വെളുത്തുള്ളി – 2 ടീസ്പൂൺ

തൈര് – ഒരു കപ്പ്

ജിഞ്ചർ ഗാർലിക് പേസ്റ്റ് – 2 ടീസ്പൂൺ

ചിക്കൻ ഇത്രയും ചേരുവകൾ ചേർത്ത് നന്നായി പെരട്ടി രണ്ടു മണിക്കൂർ വെയ്ക്കുക

നെയ്യ് – 3 ടേബിൾ സ്പൂൺ

കറുവപ്പട്ട, ഗ്രാമ്പൂ, ഏലയ്ക്ക – ആവശ്യത്തിന്

സവോള – 2

പച്ചമുളക് – 2

തക്കാളി – 2 എണ്ണം ചെറുതായി മുറിച്ചത്

മല്ലിയില – ആവശ്യത്തിന്

പുതിനയില – ഒരു പിടി

ബസ്മതി റൈസ് – ഒരു കപ്പ്

കിസ്മിസ് , കശുവണ്ടി- ആവശ്യത്തിന്

കുങ്കുമപ്പൂ പാലില്‍ കലക്കിയത്- 1/4 കപ്പ്

തയ്യാറാക്കുന്ന വിധം;-

ആദ്യം ബിരിയാണി വേവിച്ചെടുക്കുന്നതെങ്ങനെയെന്ന് നോക്കാം, കിസ്മസും കശുവണ്ടിയും നേരത്തെ വറുത്തു കോരി വെയ്ക്കുക. 2 സവോള നീളത്തിലരിഞ്ഞ് എണ്ണയിൽ ഫ്രൈ ചെയ്തു വെയ്ക്കുക.

രണ്ട് ലിറ്റര്‍ വെള്ളം ഒരു പാത്രത്തിലെടുത്ത് തിളപ്പിക്കുക. അതിലേയ്ക്ക് ഒരു സ്പൂണ്‍ കറുവപ്പട്ട, ഗ്രാമ്പൂ, ഏലയ്ക്ക എന്നിവ ഇടുക. മൂന്ന് പച്ചമുളകും , ഒരു ടീസ്പൂൺ ജിഞ്ചർ – ഗാർലിക് പേസ്റ്റും ചേർക്കുക. കുറച്ച് മല്ലിയില – പുതിനയിലയും കൂടി ചേർക്കുക. നന്നായി തിളപ്പിക്കുക. ബസ്മതി അരി നന്നായി കഴുകി, വെള്ളം കളഞ്ഞ് ഇതിലേക്ക് ചേർക്കുക. നന്നായി തിളക്കാൻ അനുവദിക്കുക. ചിക്കനൊപ്പം ദം ചെയ്യാനുള്ളതിനാൽ അധികം വേവിക്കരുത്. പാതിവേവോടെ ഇറക്കണം. വലിയ തീയിൽ മൂന്ന് മിനിട്ട് വേവിച്ചെടുക്കുക. റൈസ് ഇറക്കി വെള്ളം ഊറ്റി വെയ്ക്കുക

ഇനി ആദ്യം പഴക്കിയ കുടത്തിൽ 3 സ്പൂൺ ഓയിൽ ഒഴിച്ച് ചൂടാക്കി അതില്‍ സവാള നന്നായി വഴറ്റുക. നല്ല ബ്രൗണ്‍ നിറമാകുമ്പോള്‍ കോരിയെടുക്കാം. അതിലേയ്ക്ക് അരിഞ്ഞ് വച്ചിരിക്കുന്ന തക്കാളി ഇട്ട് നന്നായി വഴറ്റുക. എണ്ണയോ, നെയ്യോ ഉപയോഗിക്കേണ്ടതില്ല. തക്കാളി നന്നായി വാടി വരുമ്പോള്‍ അതിലേയ്ക്ക് പെരട്ടിവെച്ചിരിക്കുന്ന ചിക്കൻ കഷണങ്ങൾ ചേർക്കുക. ഒരു 20 മിനിട്ട് മീഡിയം ഫ്ലെയിമിൽ വേവിച്ചെടുക്കുക. ഇടക്ക് ഇളക്കി കൊടുക്കുക. അടച്ച് വേവിക്കുക. ഫ്ലെയിം കുറച്ച് വേവിച്ച റൈസ് ചേർക്കുക. ആദ്യം കുറച്ച് റൈസ് ഇട്ടു കൊടുക്കുക. അതിന് മീതേ പകുതിയോളം കിസ്മിസ് , കശുവണ്ടി, സവോള ഫ്രൈ ചെയ്ത് വെച്ചത് എന്നിവ ഇട്ടു കൊടുക്കുക. അൽപ്പം മല്ലിയിലയും പുതിനയിലയും ഇട്ടു കൊടുക്കുക. ഇതിന് പുറത്തേക്ക് പൈനാപ്പിൾ അരിഞ്ഞത് വെയ്ക്കുക. ഫ്രെഷ് പൈനാപ്പിൾ ഉപയോഗിക്കാൻ ശ്രദ്ധിക്കുക. ഇതിന് പുറത്തേക്ക് റൈസ് വീണ്ടും ഇട്ടു കൊടുക്കുക. ഇതിലേക്ക് കാൽ ഗ്ലാസ് തിളച്ച വെള്ളം ഒഴിച്ചു കൊടുക്കുക. വീണ്ടും അടുത്ത ഘട്ടം പൈനാപ്പിൾ, കിസ്മിസ്, ഫ്രൈ ചെയ്ത സവോളയും, മല്ലിയിലയും ചേർക്കുക. കുങ്കുമപ്പൂവ് പാലിൽ കുതിർത്തത് ഇതിലേക്ക് കുറേശ്ശേയായി ഒഴിക്കുക. വീണ്ടും ഇതിലേക്ക് റൈസ് ഇട്ടുവെയക്കുക. ഇതിന് പുറത്തേക്ക് വീണ്ടും കാൽ ഗ്ലാസ് ഒഴിക്കുക. ഇതിന് പുറത്തേക്ക് അര ടീസ്പൂൺ നെയ്യ് ഒഴിക്കുക. വീണ്ടും കുങ്കുമപ്പൂവിൻ്റെ ബാക്കി ഒഴിക്കുക. വീണ്ടും പൈനാപ്പിൾ, കിസ്മിസ്, ഫ്രൈ ചെയ്ത സവോളയും, മല്ലിയിലയും ചേർക്കുക. വാഴയില കൊണ്ട് കുടത്തിൻ്റെ മുകൾ ഭാഗം പൊതിയുക. മൺ ചട്ടിയുപയോഗിച്ച് അടച്ച് ഒരു പത്ത് മിനിട്ട് മീഡിയം ഫ്ലെയിമിൽ വേവിച്ച് ഇറക്കി ചൂടോടെ വിളമ്പാം…!

Leave a Reply

Your email address will not be published. Required fields are marked *