"> നാടൻ മീൻ റോസ്റ്റ് | Malayali Kitchen
HomeFood Talk നാടൻ മീൻ റോസ്റ്റ്

നാടൻ മീൻ റോസ്റ്റ്

Posted in : Food Talk, Recipes on by : Ninu Dayana

ചേരുവകകൾ;-

അയല ഒന്നര കിലോ

മുളകുപൊടി രണ്ട് ടേബിൾ സ്പൂൺ

മഞ്ഞൾപൊടി അര ടീസ്പൂൺ

മല്ലിപ്പൊടി ഒരു ടീസ്പൂൺ

ഗരം മസാല പൊടി അര ടീസ്പൂൺ ഇഞ്ചി-വെളുത്തുള്ളി പേസ്റ്റ് ഒരു ടീസ്പൂൺ

ഉപ്പ് ആവശ്യത്തിന്

കറിവേപ്പില രണ്ടു തണ്ട്

മീഡിയം സൈസ് സബോള 5

തക്കാളി മീഡിയം സൈസ് 3

പച്ചമുളക് അഞ്ചാറെണ്ണം

കറിവേപ്പില രണ്ടു തണ്ട്

ഇഞ്ചി വെളുത്തുള്ളി പേസ്റ്റ് അര ടീസ്പൂൺ മല്ലിപ്പൊടി അര ടീസ്പൂൺ

മുളകുപൊടി അര ടീസ്പൂൺ

മീറ്റ് മസാലപ്പൊടി അര ടീസ്പൂൺ

ഉലുവപ്പൊടി അര ടീസ്പൂൺ

മഞ്ഞൾപ്പൊടി അര ടീസ്പൂൺ

ഉപ്പ് ആവശ്യത്തിന്

വെളിച്ചെണ്ണ കാൽ കപ്പ്

തയ്യാറാക്കുന്ന വിധം;-

അയല നല്ലപോലെ കഴുകിവൃത്തിയാക്കിയതിനുശേഷം രണ്ടു സൈഡും കത്തി ഉപയോഗിച്ച് വരയുക.

ഇതിലേക്ക് തയ്യാറാക്കി വച്ചിരിക്കുന്ന മുളകുപൊടിയും മല്ലിപ്പൊടിയും മഞ്ഞൾപൊടിയും ഇഞ്ചി-വെളുത്തുള്ളി പേസ്റ്റും പുളി പേസ്റ്റും കറിവേപ്പിലയും ആവശ്യത്തിന് ഉപ്പും ചേർത്ത് നല്ലപോലെ മിക്സ് ആക്കിയതിനു ശേഷം ചുരുങ്ങിയത് നാല് മണിക്കൂർ ഫ്രിഡ്ജിൽ വയ്ക്കുക.

നാലു മണിക്കൂറിനു ശേഷം ഫ്രിഡ്ജിൽ നിന്ന് പുറത്തെടുത്ത് ഒരു പാനിൽ ആവശ്യത്തിന് വെളിച്ചെണ്ണ ഒഴിച്ച് മീൻ രണ്ട് സൈഡും മറിച്ചിട്ട് പൊരിച്ചു കോരിയെടുക്കുക.

ഇതേ ഓയിൽ തന്നെ അരിഞ്ഞുവച്ചിരിക്കുന്ന സവാളയും തക്കാളിയും പച്ചമുളകും കറിവേപ്പിലയും ചേർത്ത് നല്ലപോലെ വഴറ്റുക. ആവശ്യത്തിനുള്ള ഉപ്പ് ആദ്യമേ ചേർത്താൽ പെട്ടെന്ന് വഴന്നുകിട്ടും. വഴന്ന് വരുന്ന സമയത്ത് ഇതിലേക്ക് ഇഞ്ചി വെളുത്തുള്ളി പേസ്റ്റ് ചേർത്ത് പച്ചമണം മാറിയാല്‍ തയ്യാറാക്കി വച്ചിരിക്കുന്ന മുളകുപൊടിയും മല്ലിപ്പൊടിയും മഞ്ഞൾപൊടിയും ഉലുവപ്പൊടിയും മീറ്റ് മസാല പൊടിയും ചേർത്ത് ഒരു മിനിറ്റ് റോസ്റ്റ് ചെയ്യുക.

ഇതിലേക്ക് പൊരിച്ചു വച്ചിരിക്കുന്ന മീൻ ചേർത്ത് മീൻ പൊടിയാതെ നല്ലപോലെ മിക്സ് ആക്കി ലോ ഫ്ലേമിൽ മൂന്നാലു മിനിറ്റ് മൂടി വെക്കുക. ടേസ്റ്റി മീൻ റോസ്റ്റ് റെഡി..!

Leave a Reply

Your email address will not be published. Required fields are marked *