"> ബീഫ് പെപ്പര്‍ ഫ്രൈ തയ്യാറാക്കാം | Malayali Kitchen
HomeFood Talk ബീഫ് പെപ്പര്‍ ഫ്രൈ തയ്യാറാക്കാം

ബീഫ് പെപ്പര്‍ ഫ്രൈ തയ്യാറാക്കാം

Posted in : Food Talk, Recipes on by : Ninu Dayana

ചേരുവകകൾ;-

ബീഫ് – ഒരു കിലോ

കടുക് – ഒരു ടീസ്പൂൺ

ഇഞ്ചി – ഒരു കഷണം

പച്ചമുളക് – അഞ്ച്

സവോള – 2

തക്കാളി – 2

കറിവേപ്പില – 2 അല്ലി

കുരുമുളക് – 2 ടേബിള്‍ സ്പൂണ്‍

വെളുത്തുള്ളി – 20 അല്ലി

മല്ലിയില, വെളിച്ചെണ്ണ – പാകത്തിന്

തയ്യാറാക്കുന്ന വിധം;-

ബീഫ് ആദ്യം തന്നെ ഉപ്പും മഞ്ഞള്‍പ്പൊടിയും ഇട്ടു വേവിക്കുക. നെടുകെ കീറിയെടുത്ത വെളുത്തുള്ളി, നീളത്തില്‍ കനം കുറച്ച് അരിഞ്ഞ സവാള, നെടുകെ കീറിയ പച്ചമുളക്, ചെറുതായി അരിഞ്ഞ ഇഞ്ചി, കഷണങ്ങളാക്കിയ തക്കാളി എന്നിവ തയ്യാറാക്കി വയ്ക്കുക. ഒരു പാത്രത്തില്‍ ചെറിയ തീയില്‍ ആവശ്യത്തിന് എണ്ണയൊഴിക്കുക. എണ്ണ ചൂടാകുമ്പോള്‍ കടുകിട്ട് പൊട്ടിക്കുക. ശേഷം സവാള ചേര്‍ത്തിളക്കുക. അടുത്തതായി വെളുത്തുള്ളിയും പച്ചമുളകും ചേര്‍ക്കുക. നന്നായി ഇളക്കിയ ശേഷം ഇഞ്ചി ചേര്‍ക്കുക. സവാളയും മറ്റ് ചേരുവകളും നന്നായി വഴണ്ടുവരുമ്പോള്‍ തക്കാളി ചേര്‍ക്കുക. തക്കാളി നന്നായി വെന്തുടഞ്ഞ് ചാറ് ഇറങ്ങിത്തുടങ്ങുമ്പോള്‍ കുരുമുളകുപൊടി ചേര്‍ക്കുക. ഇത് നന്നായി ഇളക്കി ചേര്‍ക്കുക. കുരുമുളകിന്റെ പച്ചമണം മാറിക്കഴിഞ്ഞാല്‍ ബീഫ് ചേര്‍ക്കാം. ബീഫ് അരപ്പുമായി നന്നായി ഇളക്കിച്ചേര്‍ക്കുക. 3- 4 മിനിറ്റ് നന്നായി ഇളക്കി കൊടുക്കുക. അടിയില്‍ പിടിക്കാതെ ശ്രദ്ധിക്കണം. ശേഷം കറിവേപ്പിലയും മല്ലിയിലയും കൂടി ചേര്‍ത്തിളക്കി 2 മിനിറ്റിനു ശേഷം അടുപ്പില്‍ നിന്നും വാങ്ങാം.

Leave a Reply

Your email address will not be published. Required fields are marked *