7 June, 2020
നേന്ത്രപ്പഴ പായസം തയ്യാറാക്കിയാലോ
ചേരുവകകൾ;-
ഏത്തപ്പഴം- ഒരു കിലോ നന്നായി പഴുത്തത്
ശര്‍ക്കര – അര കിലോ
പാല്‍ – അര ലിറ്റർ
നാളികേരം – മൂന്ന് എണ്ണം
ഏലക്ക- പത്ത് ഗ്രാം
അരിപ്പൊടി – 150 ഗ്രാം
നെയ്യ്‌ – ആവശ്യത്തിന്
മുന്തിരി , കശുവണ്ടി – ആവശ്യത്തിന്
തയ്യാറാക്കുന്ന വിധം;-
ചിരകിയ നാളികേരം പിഴിഞ്ഞ്‌ ഒന്ന് രണ്ട് മൂന്ന് പാലുകള്‍ വേറെ വേറെ മാറ്റി വെക്കുക. പാലും അരിച്ച അരിപ്പൊടിയും ചേര്‍ത്ത്‌ പത്ത് ഗ്രാം നെയ്യും കലക്കി അടുപ്പത്ത്‌ വെച്ച്‌ വെള്ളമൊഴിച്ച്‌ കുറുകുമ്പോള്‍ രണ്ടാം പാല്‍ ചേര്‍ക്കുക. ശര്‍ക്കര അടുപ്പത്ത്‌ വെച്ച്‌ വെള്ളമൊഴിച്ച്‌ ചൂടാക്കി അരിച്ചെടുത്ത്‌ പാനിയാക്കണം.
പിന്നീട്‌ ഒരു കലത്തില്‍ മൂന്നാം പാല്‍ അടുപ്പത്ത്‌ വെച്ച്‌ ചൂടാക്കുക. തിളക്കുമ്പോള്‍ തൊലി കളഞ്ഞ്‌ കഴുകി വൃത്തിയാക്കിയ നേന്ത്രപ്പഴം ചെറുതായി അരിഞ്ഞ്‌ തിളക്കുന്ന മൂന്നാം പാലില്‍ ചേര്‍ക്കണം. പഴം വെന്താല്‍ ശര്‍ക്കര പാനിയും രണ്ടാം പാലും ഒഴിച്ച്‌ ഇളക്കണം.
കുറുകുമ്പോള്‍ ഒന്നാം പാലും ഏലക്കയും ചേര്‍ത്തിളക്കി വെയ്ക്കുക. ബാക്കി നെയ്യില്‍ കശുവണ്ടിയും മുന്തിരിയും വറുത്തെടുത്ത്‌ നെയ്യോടുകൂടി പായസത്തില്‍ ചേര്‍ക്കണം. തണുക്കുമ്പോള്‍ പാകമായിരിക്കും.