"> മാൽപുവ തയാറാകാം | Malayali Kitchen
HomeFood Talk മാൽപുവ തയാറാകാം

മാൽപുവ തയാറാകാം

Posted in : Food Talk, Recipes on by : Ninu Dayana

ചേരുവകകൾ;-

1 കപ്പ് മൈദ

1/4 കപ്പ് ഖോയ

1 കപ്പ് പാൽ

3 ടീസ്പൂൺ പെരുംജീരകം

2 കപ്പ് പഞ്ചസാര

1 കപ്പ് വെള്ളം

5 ടേബിൾസ്പൂൺ നെയ്യ്

അലങ്കരിക്കുവാൻ

ആവശ്യത്തിന് ചീന്തിയ ബദാം

ആവശ്യത്തിന് പൊടിയാക്കിയ ഏലയ്ക്ക

തയ്യാറാക്കുന്ന വിധം;-

ഖോയ, പാൽ എന്നിവ ഒരു പാത്രത്തിലെടുത്ത് നന്നായി മിക്സ് ചെയ്യുക. ഖോയ പൂർണ്ണമായും പാലിൽ കലർന്നു കഴിഞ്ഞാൽ ഇതിലേക്ക് മൈദ കൂടി ചേർത്ത് ചേരുവകളെല്ലാം വീണ്ടും മിക്സ് ചെയ്യുക.

ഇതിലേക്ക് പെരുംജീരകം ചേർത്ത് നന്നായി കുഴച്ചെടുക്കുക. നിങ്ങളുടെ ആവശ്യമനുസരിച്ച് ഇതിന്റെ സ്ഥിരത ക്രമീകരിക്കുക. ഇതുവഴി മാൽ‌പുവ നേർത്തതോ അല്ലെങ്കിൽ കട്ടിയുള്ളതോ ആക്കി മാറ്റുവാൻ സാധിക്കും.

ഒരു നോൺസ്റ്റിക്ക് ചട്ടിയിൽ വെള്ളം ഒഴിച്ച് തിളപ്പിക്കുക. വെള്ളം തിളച്ചുതുടങ്ങുമ്പോൾ രണ്ട് കപ്പ് പഞ്ചസാര ഇതിലേക്ക് ചേർത്ത് 6-7 മിനിറ്റ് കൂടി തിളപ്പിക്കുക. ഈ ലായിനി നന്നായി തിളച്ചു കഴിമ്പോൾ ഇതിലേക്ക് ഒരു നുള്ള് ഏലയ്ക്ക പൊടിച്ചത് കൂടി ചേർത്തു കൊടുക്കുക.

മറ്റൊരു പാനിൽ നെയ്യ് ഒഴിച്ച് ചൂടാക്കുക. നെയ്യ് ചൂടായി കഴിയുമ്പോൾ ഇതിലേക്ക് തയ്യാറാക്കി വച്ച മാവ് ചെറിയ കഷണങ്ങളായി ചേർക്കുക. കൂടുതൽ കരിഞ്ഞു പോകാതിരിക്കാനായി പാചകം ചെയ്യുമ്പോൾ മീഡിയം ഫ്ലെയ്മിൽ ഫ്രൈ ചെയ്യുക. ഇതിന് തവിട്ട് നിറമാകുമ്പോൾ തന്നെ ഇത് കോരി മാറ്റാവുന്നതാണ്

തയ്യാറാക്കിയ മാൽപുവ പഞ്ചസാര സിറപ്പിൽ മുക്കി വച്ച് ചൂടോടെ വിളമ്പുക. കൂടുതൽ മധുരമാണ് നിങ്ങൾ ആഗ്രഹിക്കുന്നതെങ്കിൽ, 30 മിനിറ്റ് നേരം ഇത് ലായിനിയിൽ മുക്കിവയ്ക്കുക.

ഒരു നുള്ള് ഏലയ്ക്കയും കുറച്ച് ബദാം കഷ്ണങ്ങളും ഉപയോഗിച്ചുകൊണ്ട് മാൽപുവ വിഭവം അലങ്കരിക്കുക

Leave a Reply

Your email address will not be published. Required fields are marked *