15 July, 2020
ചിക്കന്‍ കോഹിനൂര്‍
- ചേരുവകൾ;-
ചിക്കന്‍-1 കിലോ
സവാള-1
തക്കാളി-1
ഇഞ്ചി-വെളുത്തുള്ളി പേസ്റ്റ്-1 ടേബിള്‍സ്പൂണ്‍
ചെറുനാരങ്ങാ നീര്-1 ടേബിള്‍ സ്പൂണ്‍
മുളകുപൊടി-1 ടീസ്പൂണ്‍
കുരുമുളകുപൊടി-1 ടീസ്പൂണ്‍
ഗരം മസാല-അര ടീസ്പൂണ്‍
ചുവന്ന മുളക്-4
മൈദ-2 ടീസ്പൂണ്‍
കുങ്കുമപ്പൂ-ഒരു നുള്ള്
പുതിന
കറിവേപ്പില
എണ്ണ
ഉപ്പ് ആവശ്യത്തിന്
- തയാറാക്കുന്ന വിധം;-
ചിക്കന്‍ കഴുകി ഇടത്തരം കഷ്ണങ്ങളാക്കി മുറിയ്ക്കുക. ഇതില്‍ ചെറുനാരങ്ങാനീര്, കുരുമുളകുപൊടി, ഇഞ്ചി-വെളുത്തുള്ളി പേസ്റ്റ്, മുളകുപൊടി, ഗരം മസാല, കുങ്കുമപ്പൂ എന്നിവ പുരട്ടി അര മണിക്കൂര്‍ വയ്ക്കണം.
പിന്നീട് ചിക്കന്‍ മൈദയില്‍ മുക്കി എണ്ണയില്‍ വറുത്തെടുക്കുക. ഡീപ് ഫ്രൈ ചെയ്യുകയാണു വേണ്ടത്.
ഒരു പാനില്‍ എണ്ണ ചൂടാക്കി സവാള വഴറ്റുക. ചുവന്ന മുളകും ഇഞ്ചി-വെളുത്തുള്ളി പേസ്റ്റും കറിവേപ്പിലയും ചേര്‍ക്കണം. ഇത് നല്ലപോലെ വറ്റി തക്കാളി അരിഞ്ഞു ചേര്‍ക്കുക. ഇതിലേക്ക് ചിക്കന്‍ ചേര്‍ത്ത് 5 മിനിറ്റു വേവിയ്ക്കുക.
ഗ്രേവി ചിക്കന്‍ കഷ്ണങ്ങളില്‍ നല്ലപോലെ പിടിച്ചു കഴിയുമ്പോള്‍ വാങ്ങി വച്ച് പുതിനയില ചേര്‍ത്ത് ഉപയോഗിക്കാം.