"> പാന്‍ കേക്ക് | Malayali Kitchen
HomeFood Talk പാന്‍ കേക്ക്

പാന്‍ കേക്ക്

Posted in : Food Talk, Recipes on by : Ninu Dayana

ചേരുവകൾ;-

ഓള്‍ പര്‍പ്പസ് ഫ്‌ളോര്‍(അല്ലെങ്കില്‍ മൈദ)- രണ്ട് കപ്പ്

മുട്ട -2 എണ്ണം

പാല്‍ – ഒന്നരക്കപ്പ്(350 എംഎല്‍)

ബേക്കിങ് പൗഡര്‍ -അര ടേബിള്‍ സ്പൂണ്‍

വെണ്ണ, അല്ലെങ്കില്‍ പാചക എണ്ണ- 2 ടേബിള്‍ സ്പൂണ്‍

പഞ്ചസാര -5 ടേബിള്‍ സ്പൂണ്‍

തയ്യാറാക്കുന്ന വിധം;-

മുട്ട പൊട്ടിച്ച് ഒരു വിസ്താരമുള്ള കുഴിഞ്ഞ പാത്രത്തിലേയ്ക്ക് ഒഴിയ്ക്കുക. മുട്ട നന്നായി അടിച്ചുപതപ്പിച്ചശേഷം ഇതിലേയ്ക്ക് മാവ്, പാല്‍, ബേക്കിങ് പൗഡര്‍, എന്നിവ ഇതിലേയ്ക്ക് ചേര്‍ക്കുക. ഈ സമയത്ത് ഇവ ഇളക്കിക്കൂട്ടാന്‍ പാടില്ല. അടുത്ത പടിയായി വെണ്ണ മൈക്രോവേവില്‍ വെച്ച് നന്നായി ഉരുക്കിയെടുക്കുക. ഇത് നേരത്തെ എടുത്തുവച്ച പാത്രത്തിലേയ്ക്ക് ഒഴിച്ച് ഇളക്കിച്ചേര്‍ക്കുക. മാവ് വല്ലാതെ അയഞ്ഞുപോകുന്നത്രയും ഇളക്കേണ്ടതില്ല, ഇങ്ങനെയായാല്‍ പാന്‍കേക്ക് അതിന്റെ യഥാര്‍ത്ഥ പരുവത്തില്‍ കിട്ടാതെ വരും.

മാവ് തയ്യാറാക്കിക്കഴിഞ്ഞാല്‍ ദോശ തവ ചെറിയ തീയില്‍ ചൂടാകാന്‍ വെയ്ക്കുക. നോണ്‍ സ്റ്റിക് തവ ഉപയോഗിക്കാന്‍ പ്രത്യേകം ശ്രദ്ധിക്കണം. നോണ്‍ സ്റ്റിക് തവഇല്ലെങ്കില്‍ ഉപയോഗിക്കുന്ന പാനില്‍ അല്‍പം വെണ്ണപുരട്ടുന്നത് പാന്‍ കേക്ക് പിടിച്ചുപോകാതിരിക്കാന്‍ സഹായിയ്ക്കും. പാന്‍ കേക്ക് നിര്‍മ്മിയ്ക്കുന്നതിനുള്ള സൗകര്യം ഉള്ള സ്റ്റൗവാണെങ്കില്‍ ചൂട് ശരിയാക്കിയശേഷം തവ വെയ്ക്കുക.

പാന്‍ ചൂടായോ എന്നറിയാനായി രണ്ട് തുള്ളിവെള്ളംഅതിലേയ്ക്ക് ഇറ്റിയ്ക്കുക. വെള്ളത്തുള്ളില്‍ പാനില്‍ നിന്നും തിളച്ച് തെറിയ്ക്കുന്നുണ്ടെങ്കില്‍ മാവ് ഒഴിയ്ക്കാന്‍ സമയമായെന്നാണ് അര്‍ത്ഥം. മൂന്ന് ടേബിള്‍ സ്പൂണ്‍ മാവ് തവയിലേയ്ക്ക് ഒഴിയ്ക്കുക. വലിപ്പം കൂടിയ കേക്കാണ് വേണ്ടതെങ്കില്‍ മാവ് അല്‍പം കൂടുതല്‍ ഒഴിയ്ക്കാവുന്നതാണ്. എന്തായാലും ആദ്യം ഒഴിയ്ക്കുന്ന മാവ് ചെറിയ അളവില്‍ ഒഴിയ്ക്കുന്നതാണ് നല്ലത്. മാവിനോ തവയ്‌ക്കോ എന്തെങ്കിലും പ്രശ്‌നമുണ്ടെങ്കില്‍ ആദ്യഘട്ടത്തില്‍ത്തന്നെ അറിയാന്‍ കഴിയും, മാവ് നഷ്ടപ്പെട്ടുപോവുകയുമില്ല.

പാന്‍കേക്ക് സ്വര്‍ണനിറമാകുന്നതുവരെ വേവിയ്ക്കുക, സാധാരണ രണ്ടുമിനിറ്റുകൊണ്ട് പാന്‍കേക്ക് പാകമാകും. ഒരുവശം വെന്തുകഴിഞ്ഞുവെന്ന് തോന്നുമ്പോള്‍ തിരിച്ചിട്ട് മറുവശവും വേവിയ്ക്കുക. മാവ് നല്ല പാകത്തിലാണെങ്കില്‍ പാന്‍കേക്കുകള്‍ക്ക് മുകളില്‍ കുമിളകള്‍ രൂപപ്പെടും. ഈ സമയത്താണ് തിരിച്ചിടേണ്ടത്. മറുവശവും ബ്രൗണ്‍ നിറത്തിലാകുമ്പോള്‍ പാനില്‍ നിന്നും കേക്ക് മാറ്റുക, കൂടുതല്‍ ബ്രൗണ്‍ നിറം വേണമെന്നുണ്ടെങ്കില്‍ വീണ്ടും ഒന്നുകൂടി തിരിച്ചും മറിച്ചുമിട്ട് വേവിയ്ക്കാം.

ബട്ടര്‍, പീനട്ട് ബട്ടര്‍, പഴച്ചാറുകള്‍, സ്വീറ്റ് യോഗര്‍ട്ട്, ഫ്രൂട്ട് ജെല്ലി, ചോക്ലേറ്റ് സിറപ്പ് എന്നിവയെല്ലാം പാന്‍കേക്കിനൊപ്പം ഉപയോഗിയ്ക്കാം. പാന്‍കേക്കിന് വ്യത്യസ്തത പകരാന്‍ ചോക്ലേറ്റ് ചിപ്‌സോ, പഴങ്ങളോ ചേര്‍ക്കുകയും ചെയ്യാം. ആപ്പിള്‍ പാന്‍ കേക്ക്, ബനാന പാന്‍ കേക്ക് തുടങ്ങിയവ എല്ലാവര്‍ക്കും ഇഷ്ടപ്പെടുന്ന പാന്‍ കേക്ക് വെറൈറ്റികളാണ്.

Leave a Reply

Your email address will not be published. Required fields are marked *