"> ചിക്കൻ പിച്ചീസ് | Malayali Kitchen
HomeFood Talk ചിക്കൻ പിച്ചീസ്

ചിക്കൻ പിച്ചീസ്

Posted in : Food Talk, Recipes on by : Sukanya Suresh

 

ചേരുവകൾ
1. ചിക്കൻ – 500 ഗ്രാം
2. മുളകുപൊടി – 2 ടീസ്പൂൺ
3. മല്ലിപ്പൊടി – 1 ടീസ്പൂൺ
4. മഞ്ഞൾപ്പൊടി – 1/2 ടീസ്പൂൺ
5. ഗരം മസാല – 1/2 ടീസ്പൂൺ
6. ഉപ്പ് – ആവശ്യത്തിന്
7. വെളിച്ചെണ്ണ – 4 ടേബിൾ സ്പൂൺ
8. സവാള – 1
9. കറിവേപ്പില
10. ഇഞ്ചി – 1 1/2 ടേബിൾ സ്പൂൺ
11. വെളുത്തുള്ളി – 1 1/2 ടേബിൾ സ്പൂൺ
12. ഉണക്കമുളക് – 3
13. പച്ചമുളക് – 2
14. കുരുമുളക് പൊടി – 1/2 ടീസ്പൂൺ
15. തക്കാളി – 1
തയാറാക്കുന്ന വിധം

ചിക്കൻ 2 മുതൽ 6 വരെയുള്ള ചേരുവകൾ പുരട്ടി അര മണിക്കൂർ നേരം വെക്കുക.
സാധാരണയിൽ നിന്നും വ്യത്യസ്തമായി ചിക്കൻ ആവിയിലാണ് വേവിക്കുന്നത്. അതിനായി ഒരു ഇഡ്ഡലി പാത്രത്തിൽ വേവിച്ചെടുക്കാം. ഒരു ഫ്രൈയിങ് പാൻ അടുപ്പത്തു വച്ച് വെളിച്ചെണ്ണ ഒഴിച്ച് കൊടുക്കാം.
ഇനി ഇതിലേക്ക് 8 മുതൽ 15 വരെയുള്ള ചേരുവകൾ ഓരോന്നായി ചേർത്ത് നന്നായി വഴറ്റി എടുക്കാം.
ഉണക്ക മുളക് മിക്സിയിൽ ഒന്ന് ചതച്ചു എടുക്കുന്നതാണ് നല്ലത്. ആവിയിൽ വെന്ത ചിക്കൻ ചൂട് കുറഞ്ഞശേഷം കൈകൊണ്ടു ചെറിയ കഷണങ്ങളായി നീളത്തിൽ പിച്ചി എടുക്കുക. എല്ലു മുഴുവൻ മാറ്റി മാംസം മാത്രം എടുത്താൽ മതിയാകും. തയാറാക്കി വച്ചിരിക്കുന്ന മിക്സിലേക്ക് ചിക്കൻ പിച്ചിയത് കൂടി ചേർത്ത് ഇളക്കി 10 മിനിറ്റ് അടച്ചു വച്ച് വേവിക്കുക. വെള്ളം ഒട്ടും തന്നെ ചേർക്കേണ്ട ആവശ്യം ഇല്ല.

Leave a Reply

Your email address will not be published. Required fields are marked *