"> മട്ടർ മേത്തി മലായ് | Malayali Kitchen
HomeRecipes മട്ടർ മേത്തി മലായ്

മട്ടർ മേത്തി മലായ്

Posted in : Recipes on by : Annie S R

1. വെണ്ണ – ഒരു വലിയ സ്പൂൺ

2. പച്ചമുളക് – ഒന്ന്, അരി കളഞ്ഞു പൊടിയായി അരിഞ്ഞത്

ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ

വെളുത്തുള്ളി – രണ്ട് അല്ലി, പൊടിയായി അരിഞ്ഞത്

3. സവാള – ഒരു ഇടത്തരം, പൊടിയായി അരിഞ്ഞത്

4. ഗരംമസാലപ്പൊടി – ഒരു ചെറിയ സ്പൂൺ

5. കശുവണ്ടിപ്പരിപ്പ് – രണ്ടു വലിയ സ്പൂൺ, 20 മിനിറ്റ് ചൂടുവെള്ളത്തിൽ കുതിർത്തത്

6. ഉലുവയില പൊടിയായി അരിഞ്ഞത് – രണ്ടു കപ്പ്

ഉപ്പ് – ഒരു ചെറിയ സ്പൂൺ

7. എണ്ണ – ഒരു വലിയ സ്പൂൺ

ജീരകം – അര വലിയ സ്പൂൺ

8. വെള്ളം – ഒരു കപ്പ്

ഉപ്പ് – പാകത്തിന്

9. ഗ്രീൻപീസ് – രണ്ടു കപ്പ്, വേവിച്ചത്

10. െഫ്രഷ് ക്രീം – അരക്കപ്പ്

പാകം ചെയ്യുന്ന വിധം

∙ പാനിൽ വെണ്ണ ചൂടാക്കി രണ്ടാമത്തെ ചേരുവ ചേർത്ത് ഒരു മിനിറ്റ് വഴറ്റുക.

∙ ഇതിലേക്കു സവാള ചേർത്തു നന്നായി വഴറ്റി കണ്ണാടി പോലെയാകുമ്പോൾ ഗരംമസാലപ്പൊടി ചേർത്തിളക്കി വാങ്ങി ചൂടാറാൻ വയ്ക്കുക.

∙ ഒരു ബൗളിൽ ഉലുവയില നിരത്തി മുകളിൽ കാൽ ചെറിയ സ്പൂൺ ഉപ്പു വിതറി അഞ്ചു മിനിറ്റ് മാറ്റി വയ്ക്കുക. പിന്നീട് വെള്ളം പിഴിഞ്ഞു മാറ്റി വയ്ക്കുക. പാലക്കിന്റെ കയ്പു മാ റ്റാനാണ് ഇങ്ങനെ ചെയ്യുന്നത്.

∙ വഴറ്റി വച്ചിരിക്കുന്ന സവാളക്കൂട്ടില്‍ കശുവണ്ടിപ്പരിപ്പും അൽപം വെള്ളവും ചേർത്തു മിക്സിയിൽ നന്നായി അരയ്ക്കണം.

∙ പാനിൽ എണ്ണ ചൂടാക്കി ജീരകം ചേർത്തു പൊട്ടുമ്പോൾ ഉ ലുവയിലയും അരച്ച കൂട്ടും ചേർത്തു വഴറ്റുക.

∙ ഇതു മൂന്നു–നാലു മിനിറ്റ് വഴറ്റി മൂത്ത മണം വരുമ്പോൾ ഉപ്പും വെള്ളവും ചേർത്തു വേവിച്ചു വച്ചിരിക്കുന്ന ഗ്രീൻപീസും ചേർത്തു വഴറ്റുക.

∙ ഇതു ചെറുതീയിൽ മൂടി വച്ചു മൂന്നു മുതൽ നാലു മിനിറ്റ് വരെ വേവിക്കുക. ഇതിലേക്കു ഫ്രെഷ് ക്രീം ചേർത്ത് ഒരു മിനിറ്റ് കൂടി ചൂടാക്കി കുറുക്കി വാങ്ങുക.

∙ ചപ്പാത്തിക്കോ ചോറിനോ ഒപ്പം ചൂടോടെ വിളമ്പാം.

Leave a Reply

Your email address will not be published. Required fields are marked *