16 December, 2020
കസ് കസ് പായസം
ചേരുവകൾ
കസ്‌കസ് (പോപ്പി വിത്തുകൾ ) – 3 സ്പൂൺ
ശർക്കര – 1 / 2 ഇടത്തരം
വെള്ളം – 1 / 2 ഗ്ലാസ്
ചിരകിയ തേങ്ങ – 1 കപ്പ്
ഏലയ്ക്ക – 2
വെള്ളം – 1 / 4 കപ്പ്
തയ്യാറാക്കുന്ന വിധം
1. ചൂടായ പാനിലേക്ക് പോപ്പി വിത്തുകൾ ഇടുക.
2. ബ്രൗൺ നിറമാകുന്നതുവരെ അത് വറുക്കുക.
3. സ്റ്റവ് ഓഫ് ചെയ്തു തണുക്കാൻ വയ്ക്കുക.
4. ഈ സമയം ശർക്കര ഒരു പാത്രത്തിലെടുക്കുക.
5. ഗ്ലാസിലെ വെള്ളമൊഴിച്ചു ഇളക്കുക.
6. മൂടിവച്ചു നന്നായി ഉരുക്കുക.
7. ഈ സമയം പോപ്പി വിത്തുകളെ മിക്സിയിലെ ജാറിലേക്കിടുക.
8 ഇതിലേക്ക് തേങ്ങയും ഏലക്കായും ഇടുക.
9. കുറച്ചു വെള്ളമൊഴിച്ചു നന്നായി ഇതിനെ അരയ്ക്കുക.
10. ശർക്കര അലിയുമ്പോൾ ഈ മിശ്രിതം ചേർത്ത് ഇളക്കുക.
11. മീഡിയം തീയിൽ 2 -3 മിനിറ്റ് ഇളക്കുക.
12. അടിയിൽ പിടിക്കാതിരിക്കാൻ തുടരെ ഇളക്കുക.
13. തിളച്ചുകഴിഞ്ഞാൽ ചൂടോടെ വിളമ്പുക