16 April, 2021
അവിൽ സുയ്യൻ
ചേരുവകൾ
*****
പഴം – 2 എണ്ണം
നെയ്യ് – 1 ടീ സ്പൂൺ
പഞ്ചസാര 1 ടീ സ്പൂൺ
അവിൽ 1/2 കപ്പ്
അണ്ടി പരിപ്പ് – 2 ടീസ്പൂൺ
ബദാം – ടീസ്പൂൺ
തേങ്ങ ചിരകിയത് – 2 ടീ സ്പൂൺ
ശർക്കര – ചെറുത്
മൈദ – 1കപ്പ്
ഉപ്പ് – ആവശ്യത്തിന്
മഞ്ഞൾ പൊടി – 1/4 ടീ സ്പൂൺ
തയ്യാറാക്കുന്ന വിധം
*********
ആദ്യമായി ഒരു പാൻ ചൂടാക്കി അതിലേക്ക് 1ടീസ്പൂൺ നെയ്യ് ചേർക്കുക ,ശേഷം അതിലേക്ക് അരിഞ്ഞ്‌ വെച്ചിട്ടുള്ള പഴം ചേർക്കുക.
അതിലേക്ക് 1 ടീസ്പൂൺ പഞ്ചസാര ചേർത്ത് 2 മിനുട്ട് ഒന്നു വഴറ്റുക.
ശേഷം 1/2 കപ്പ് അവിൽ ചേർത്ത് നന്നായി വഴറ്റുക.
ശേഷം അതിലേക്ക് ബദാം , അണ്ടി പരിപ്പ്, തേങ്ങ എന്നിവ ചേർത്ത് 2 മിനുട്ട് നന്നായി ചെറു തീയിൽ വേവിക്കുക.
ശേഷം തീ ഓഫ് ചെയ്യുക.
അടുത്തതായി ഒരു പാത്രം ചൂടാക്കി അതിലേക്ക് ഒരു ചെറിയ കഷ്ണം ശർക്കര , കുറച്ച് വെള്ളവും ചേർത്ത് ഒരുക്കി എടുക്കുക.
ഇനി ശർക്കരപാനി നമ്മൾ നേരത്തെ തയ്യാറാക്കി വെച്ചിട്ടുള്ള പഴം മിക്സിലേക്ക് ഒഴിച്ച് നന്നായി ഇളക്കി യോജിപ്പിക്കുക.
ഇനി നമുക്ക് ചെറിയ ബോൾസ് ആക്കി ഉരുട്ടി എടുക്കാം .
ഇനി ഒരു ബൗളിലേക്കു 1 കപ്പ് മൈദ , 1/4 ടീ സ്പൂൺ മഞ്ഞൾ പൊടി, ഒരു നുള്ള് ഉപ്പും കൂടെ ചേർത്ത് നന്നായി ഇളക്കി ബാറ്റർ തയ്യാറാക്കണം .
ശേഷം നമ്മൾ തയ്യാറാക്കിയ ബോൾസ് ഈ ബാറ്ററിൽ മുക്കി ഫ്രൈ ചയ്തെടുക്കുക.