3 May, 2021
കശുവണ്ടിപ്പരിപ്പു തോരൻ
1. കശുവണ്ടിപ്പരിപ്പ് – ഒരു കപ്പ്
2. ഉപ്പ് – പാകത്തിന്
വെള്ളം – പാകത്തിന്
3. തേങ്ങ ചുരണ്ടിയത് – അരക്കപ്പ്
വെളുത്തുള്ളി – രണ്ട് അല്ലി
ജീരകം – അര ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
പച്ചമുളക് – രണ്ട്, പൊടിയായി അരിഞ്ഞത്
വെള്ളം – അൽപം
4. വെളിച്ചെണ്ണ – രണ്ടു വലിയ സ്പൂൺ
5. ചുവന്നുള്ളി – മൂന്ന്, പൊടിയായി അരിഞ്ഞത്
വറ്റൽമുളക് – രണ്ട്, പൊടിയായി അരിഞ്ഞത്
കറിവേപ്പില – പാകത്തിന്
പാകം ചെയ്യുന്ന വിധം
∙ കശുവണ്ടിപ്പരിപ്പ് പാകത്തിന് ഉപ്പും വെള്ളവും ചേർത്തു വേ വിച്ചു വയ്ക്കുക.
∙ മൂന്നാമത്തെ ചേരുവ തരുതരുപ്പായി ചതച്ചു വയ്ക്കണം.
∙ ചട്ടിയിൽ എണ്ണ ചൂടാക്കി അഞ്ചാമത്തെ ചേരുവ താളിക്കുക.
∙ ഇതിലേക്ക് അരപ്പു ചേർത്ത് അഞ്ചു മിനിറ്റ് വഴറ്റണം.
∙ കശുവണ്ടിപ്പരിപ്പും ചേർത്തു നന്നായി ഇളക്കി അഞ്ചു മിനിറ്റ് വേവിച്ചു വാങ്ങാം.