ചൂടൻ ചട്ടിയിലേക്കു വെളിച്ചെണ്ണയൊഴിച്ചു ഗരം മസാല ഇട്ടുകൊടുത്തു ചെറിയൊരു വെടിക്കെട്ടോടു കൂടി ആരംഭിക്കാം ! ശേഷം ചതച്ചോ നുറുക്കിയോ ഒരു പരുവമാക്കിയ ഇഞ്ചി വെളുത്തുള്ളി , കൂട്ടത്തിൽ നെടുകെ പിളർന്ന പച്ച മുളകും ചേർത്ത് തനി നിറം മാറിക്കഴിഞ്ഞാൽ നേർമയായി അരിഞ്ഞ സവാളയും കറിവേപ്പിലയും ചേർത്ത് അടുത്ത നിറം മാറ്റൽ ചടങ്ങു തുടരുക .മേമ്പൊടിക്ക് ഉപ്പു വിതറിയാൽ സവാള പെട്ടെന്ന് മൊരിഞ്ഞു കിട്ടും .

ഏറെക്കുറെ ഒരു പരുവമായി എന്ന് തോന്നിയാൽ ഗരം മസാലപ്പൊടി ഒഴികെയുള്ള ചേരുവകൾ ചേർത്ത് ,മൂത്ത മണം വരുമ്പോൾ സുന്ദരിതക്കാളികഷ്ണങ്ങൾ കൂടി ചേർത്തിളക്കി വഴറ്റി കഴിഞ്ഞാൽ മസാല റെഡി !
മസാലക്കൂട്ട് ചേർത്ത് നന്നായി യോജിപ്പിച്ചു കറിവേപ്പിലയും 1 കപ്പു വെള്ളവും പാകത്തിനു ഉപ്പും ചേർത്ത ശേഷം അടച്ചു ഇടത്തരം തീയിൽ 3 കൂവൽ വരെ അടുത്ത കാത്തിരിപ്പ് .

കുക്കർ തുറന്നു ( ചൂടൊന്നു ആറട്ടെ കേട്ടോ ) ഗരം മസാല പൊടിയും ചേർത്ത് വീണ്ടും 10 മിനുട്ട് .. ചെറു തീയിൽ ചാറു കുറുകി ഒരു പരുവമായി എന്നൊരു ഉൾബോധം വന്നാൽ അടുപ്പിൽ നിന്നും വാങ്ങാം .