17 June, 2021
നെയ്‌ച്ചോറ്
ആവശ്യമുള്ള സാധനങ്ങള്‍
ജീരകശാല അരി – 2 കപ്പ്
നെയ്യ് – അര കപ്പ്
അണ്ടിപ്പരിപ്പ്‌ – 15 എണ്ണം
ഉണക്ക മുന്തിരി- 20 എണ്ണം
നീളത്തില്‍ അറിഞ്ഞ സവാള- 4 കപ്പ്
കറുവ പട്ട- രണ്ട് ചെറിയ കഷ്ണം
ഏലയ്ക്ക- 4 എണ്ണം
ഗ്രാമ്പു- 4 എണ്ണം
പെരുംജീരകം – അര സ്പൂൺ
ഉപ്പ്‌- ആവശ്യത്തിനു
മല്ലിയില/പുതിനയില
വെള്ളം – 4 കപ്പ്
പാചകം ചെയുന്ന വിധം
അരി കഴുകി വെള്ളം വാർത്തു വാക്കുക . ഒരു പാനിൽ നെയ്‌ ഒഴിച്ച് ചൂടാകുമ്പോള്‍ അതിൽ രണ്ടു സാവാള അരിഞ്ഞത് ഇട്ടു മൂപ്പിച്ച് മാറ്റി വെക്കുക അതിൽ തന്നെ അണ്ടിപരിപ്പും മുന്തിരിയും മൂപ്പിച്ച് മാറ്റിവെക്കുക.
പെരുംജീരകം, കറുവാപട്ട, ഗ്രാമ്പു. ഏലയ്ക്ക ഇവ ഇട്ടു മൂപ്പിക്കുക. ഇതിലേക്ക് ബാക്കി അരിഞ്ഞ സവാള ഇട്ടു വഴറ്റുക. വഴന്നു വരുമ്പോള്‍ അരിയും കൂടെ ഇട്ടു തുടരെ ഇളക്കുക. നെയ്യ് അൽപ്പം കൂടി ഒഴിക്കുക.
അരി നല്ലപോലെ മൂത്ത് കഴിയുമ്പോള്‍ വെള്ളവും ഉപ്പും ചേര്‍ത്ത അടച്ചു വെച്ച് ചെറു തീയില്‍ വേവിക്കുക. വെള്ളം വറ്റി തോര്‍ന്നു വരുമ്പോള്‍ ചോറ് ഇളക്കി എടുക്കുക. ഇതിന്റെ മുകളിൽ അൽപ്പം നെയ്യും, മല്ലിയില അരിഞ്ഞതും മൂപ്പിച്ച സവാളയും ആണിപ്പരിപ്പും മുന്തിരിയും ഇടുക. എന്നിട്ടു പത്രം അടച്ചു 5 മിനിറ്റ് ചെറു തീയിൽ വെക്കുക. നെയ്ച്ചോര്‍ റെഡി.