20 June, 2021
ചിക്കന്‍ ഉലര്‍ത്തിയത്
ആവശ്യമായവ
ചിക്കന്‍ – ഒരു കിലോ
മുളക് പൊടി – ഒന്നര ടേബിള്‍ സ്പൂണ്‍
മല്ലിപ്പൊടി- ഒരു ടേബിള്‍ സ്പൂണ്‍
കുരുമുളകു പൊടി – 1/2 ടേബിള്‍ സ്പൂണ്‍
സവാള – 2 എണ്ണം
ഗരം മസാല – ഒരു ടേബിള്‍ സ്പൂണ്‍
പെരുംജീരകം – 1/2 ടീസ്പൂണ്‍
കറിവേപ്പില – രണ്ട് തണ്ട്
പച്ചമുളക് – 2 •
തക്കാളി – 1
വെളുതുള്ളി
ഇഞ്ചി
മല്ലി ഇല – ആവശ്യത്തിന്
വെളിച്ചെണ്ണ, ഉപ്പ്– പാകത്തിന്
പാചകം ചെയ്യുന്ന വിധം
ചിക്കന്‍ കഴുകി വൃത്തിയാക്കി ക്രിയ പീസ് ആക്കി. കുറച്ചു മഞ്ഞള്‍പൊടിയും ഉപ്പും കുറച്ചു ഇഞ്ചിയും വെളുത്തുള്ളിയും അരച്ചതും കുറച്ചു മുളക് പൊടിയും ചേര്‍ത്തു അര മണിക്കൂര്‍ വെയ്ക്കുക. ഇനി ഒരു പാനില്‍ ആവശ്യത്തിനു എണ്ണ ഒഴിച്ച് ചിക്കന്‍ അധികം മൊരിയാതെ വറത്തെടുക്കുക.നന്നായി ഫ്രൈ ആകരുത്.
ഒരു പാനില്‍ ചിക്കന്‍ വറത്ത വെളിച്ചെണ്ണ ഒഴിച്ച് കറിവേപ്പിലയും കടുകും താളിച്ചു ബാക്കിയുള്ള ഇഞ്ചിയും വെളുത്തുള്ളിയും ചതച്ചതും സവാളയും പച്ചമുളകും അരിഞ്ഞതും ചേര്‍ത്തു വഴറ്റുക. നന്നായി വഴറ്റിയതിനു ശേഷം ഇതിലേക്ക് മഞ്ഞള്‍പൊടിയും മുളക് പൊടിയും മല്ലിപൊടിയും ചേര്‍ത്തു മൂപ്പിചെടുക്കുക.തക്കാളി അരിഞ്ഞത് വഴറ്റുക.ആവശ്യത്തിനു ഉപ്പ് ചേര്‍ക്കുക.
തക്കാളി നന്നായി വഴന്നു എണ്ണ തെളിഞ്ഞാല്‍ ഗരം മസാലയും പെരുംജീരകവും ചേര്‍ത്തു മൂപ്പിയ്ക്കുക.ഇതിലേക്ക് ചിക്കനും ചേര്‍ത്തു നന്നായി ഇളക്കി യോജിപ്പിച്ച് ചെറുതീയില്‍ പത്തു മിനിറ്റ് അടച്ചു വെയ്ക്കുക..അതിനു ശേഷം ഒന്ന് കൂടി ഇളക്കി ചേര്‍ത്തു തീ കുറച്ചു വെച്ച് ഉലര്‍ത്തി എടുക്കുക.കൂടുതല്‍ ഡ്രൈ ആകണം എങ്കില്‍ കൂടുതല്‍ നേരം ഉലര്‍ത്തി എടുക്കണം.