ചോറ് കൊണ്ടൊരു മൊരിഞ്ഞ വട

ചേരുവകൾ

ചോറ് – 2 കപ്പ്‌
തൈര് – 3 ടേബിൾ സ്പൂൺ
അരിപ്പൊടി – 3 ടേബിൾ സ്പൂൺ
ഉള്ളി – 1/2 കപ്പ്‌
പച്ചമുളക് – 2 എണ്ണം
ഇഞ്ചി – 2 ടീസ്പൂൺ
ജീരകം – 1/2 ടീസ്പൂൺ
കുരുമുളക് – 1/2 ടീസ്പൂൺ
ചതച്ച മുളക് – 1 ടീസ്പൂൺ
ഉപ്പ് – ആവശ്യത്തിന്

തയാറാക്കുന്ന വിധം

ചോറും തൈരും ഉപ്പും ചേർത്തു മിക്സിയിൽ അരച്ചെടുക്കുക.
പാത്രത്തിലേക്കു മാറ്റിയ ശേഷം മറ്റു ചേരുവകൾ എല്ലാം ചേർത്തു കുഴച്ചെടുക്കുക.
ചെറിയ ഉരുളകളാക്കിയ ശേഷം വടയുടെ ഷേപ്പിൽ ചൂടായ എണ്ണയിൽ വറുത്തെടുത്തു കഴിക്കാം.