ഉപ്പുമാങ്ങാ കറി

ചേരുവകൾ

ഉപ്പുമാങ്ങ – ½ കപ്പ് (ചെറിയ കഷ്ണങ്ങളാക്കിയത് )
തേങ്ങാപ്പാൽ (കട്ടിയുള്ളത്) – 1 കപ്പ്
കടുക് – 1/2 ടീസ്പൂൺ
പച്ചമുളക് (ചെറുതായരിഞ്ഞത്) – 1
വറ്റൽമുളക് – 2 എണ്ണം
കറിവേപ്പില – ആവശ്യത്തിന്
വെളുത്തുള്ളി ചതച്ചത് – 3-4 അല്ലി
ഇഞ്ചി ചതച്ചത് – ചെറിയ കഷ്ണം
ചുവന്നുള്ളി ചതച്ചത് – 3-4 എണ്ണം
മഞ്ഞൾപ്പൊടി – 1 നുള്ള്
മുളകുപൊടി – 1/2 ടീസ്പൂൺ

തയാറാക്കുന്ന വിധം

ഉപ്പുമാങ്ങ (മാങ്ങ ഉപ്പിലിട്ടത്) ചെറിയ കഷ്ണങ്ങളാക്കി പാത്രത്തിലേക്കു മാറ്റുക.
ഒരു തേങ്ങ ചിരകിയതിലേക്കു മാങ്ങ ഉപ്പിലിട്ട വെള്ളം 1/4 ഗ്ലാസും കുറച്ചു വെള്ളവും ചേർത്തു പാൽ (കട്ടിപ്പാൽ) പിഴിഞ്ഞെടുക്കുക. പിഴിഞ്ഞെടുത്ത പാൽ നേരത്തെ മാങ്ങ കഷ്ണങ്ങളാക്കി വച്ചിരിക്കുന്ന പാത്രത്തിലേക്ക് ഒഴിക്കുക.
അതിനുശേഷം ഒരു ചട്ടി അടുപ്പത്തുവച്ച് അതിലേക്കു വെളിച്ചെണ്ണയൊഴിച്ചു കടുകു പൊട്ടിച്ചതിനു ശേഷം 4 മുതൽ 11 വരെയുള്ള ചേരുവകൾ വഴറ്റി ഉപ്പുമാങ്ങ കൂട്ടിലേക്ക് ഒഴിച്ച് ഇളക്കി ഉപയോഗിക്കുക.