ചേരുവകൾ
പൊട്ടറ്റോ – 2 എണ്ണം
മുട്ട – 1 എണ്ണം
സവാള – 1 എണ്ണം
പച്ചമുളക് – 4 എണ്ണം
ഇഞ്ചി. – 1 കഷണം
മഞ്ഞൾപൊടി – അര ടീ. സ്പൂൺ
ഗരം മസാല – അര ടീ. സ്പൂൺ
മുളക്‌പൊടി – രണ്ട് ടീ. സ്പൂൺ
ചിക്കൻ, ചീര – ആവശ്യത്തിന്
മല്ലിയില, ഉപ്പ് – ആവശ്യത്തിന്
ബ്രഡ്ക്രംസ് – ആവശ്യത്തിന്
ഓയിൽ – ആവശ്യത്തിന്
തയാറാക്കുന്ന വിധം
ഒരു പാനിൽ രണ്ട് ടീ സ്പൂൺ ഓയിൽ ഒഴിച്ച് ചൂടാകുമ്പോൾ അരിഞ്ഞ് വെച്ച സവാള, ഇഞ്ചി, പച്ചമുളക് ചേർത്ത് നന്നായി വഴറ്റുക. ഇതിലേക്ക് ചെറുതായി മുറിച്ച ചീര എല്ലാപൊടികളും ചേർത്തിളക്കി മൂടിവെച്ച് വേവിക്കുക. ശേഷം ഉപ്പ്, മഞ്ഞൾപൊടി, കുരുമുളക് പൊടി എന്നിവ ചേർത്ത് വേവിച്ച് ചെറുതായി മുറിച്ച ചിക്കൻ പീസ്, വേവിച്ചുടച്ച ഉരുളക്കിഴങ്ങ്, ചെറുതായി മുറിച്ച മല്ലിയില എന്നിവ ചേർത്തിളക്കി തീ അണക്കുക. ചൂട് പോയതിന് ശേഷം ചെറിയ ഉരുളകളായി എടുത്ത് സ്പ്രിങ് റോൾ ഷേപ്പിലാക്കി മുട്ട ബീറ്റ് ചെയ്തതിൽ മുക്കി ബ്രഡ്ക്രംസിൽ റോൾ ചെയ്യുക. ഇങ്ങനെ എല്ലാം ചെയ്‌ത ശേഷം നല്ല ചൂടായ ഓയിലിൽ ഫ്രൈ ചെയ്ത് ചൂടോടെ ടൊമാറ്റോ സോസ് കൂട്ടി കഴിക്കാം.
