ഓട്സ് ദോശ

ചേരുവകൾ

ഓട്സ് – 2 കപ്പ്
വെള്ളം – ഒന്നേമുക്കാൽ കപ്പ്
സവാള – ഒരു ഇടത്തരം സവാളയുടെ പകുതി
ഇഞ്ചി – ഒരു ചെറിയ കഷ്ണം
പച്ചമുളക് – 3 എണ്ണം
കറിവേപ്പില – കുറച്ചു
ഉപ്പ് – 1 ടീസ്പൂൺ

തയാറാക്കുന്ന വിധം

ഓട്സ് 15 മിനിറ്റ് വെള്ളത്തിൽ കുതിർത്തു വയ്ക്കുക. ശേഷം ബാക്കി എല്ലാ ചേരുവകളും ചേർത്തു നന്നായി അരച്ചെടുക്കുക. ദോശ മാവിന്റെ പാകത്തിൽ വേണം അരയ്ക്കാൻ. ഇനി ഒരു തവി മാവ് ചൂടായ ദോശക്കല്ലിൽ കോരി ഒഴിച്ചു തിരിച്ചും മറിച്ചും ഇട്ടു ചുട്ടെടുക്കുക. ചമ്മന്തി കൂട്ടി ചൂടോടെ കഴിക്കാം.