തളാസിനി

ചേരുവകൾ

പാതി പഴുത്ത പപ്പായ ചെറുചതുര കഷണങ്ങളാക്കിയത്- 2 കപ്പ്
വെളുത്തുള്ളി മുഴുവനോടെ ചതച്ചത് – 5- 6 എണ്ണം
തേങ്ങാ തിരുമ്മിയത്- 1/4 കപ്പ്
കടുക്- 1 ടീസ്പൂൺ
വറ്റൽമുളക്- 6-7 എണ്ണം
ഉപ്പ്- ആവശ്യത്തിന്
വെളിച്ചെണ്ണ- 2-3 ടീസ്പൂൺ

തയ്യാറാക്കുന്ന വിധം

ഒരു ചീനച്ചട്ടിയിൽ വെളിച്ചെണ്ണ ചൂടാക്കി കടുക് വറ്റൽമുളക് എന്നിവ ചേർക്കാം. ഇതിലേക്ക് ചതച്ച വെളുത്തുള്ളി ചേർത്ത് ചെറുതായി മൂപ്പിക്കാം .
നിറം അല്പം മാറി വരുമ്പോൾ തന്നെ പപ്പായ ചേർക്കാം. ഉപ്പും ചേർത്ത് പപ്പായ വഴറ്റി,ചെറുതീയിൽ അടച്ചു വെച്ച് വേവിയ്ക്കാം. വെള്ളം തളിക്കേണ്ടതില്ല. പപ്പായ വെന്തു വരുമ്പോൾ തേങ്ങാ ചേർത്ത് ചെറുതീയിൽ തന്നെ അല്പം നേരം കൂടെ പാകം ചെയ്തു വാങ്ങി വെയ്ക്കുക .